Türkiyə prezidenti Rəcəb Tayyib Ərdoğan “Sülh çeşməsi” hərəkatının 5-ci gününün nəticələrini şərh edib.
Gununsesi.org “Haberler”ə istinadən xəbər verir ki, Ərdoğan 440 terrorçunun öldüyünü, 26 terrorçunun yaralandığını, 24-nün isə təslim olduğunu deyib. Ümumilikdə 490 terrorçu zərərsizləşdirilib.
“Özümüz addım atmağa məcbur qaldıq. Oktyabrın 9-da hərəkata başladıq. 30-35 kilometr irəliləyəcəyik. Suriya Milli Ordusu qəhrəmancasına terror təşkilatlarının sığınacaqlarının təmizlənməsində mübarizə aparır”, – deyə Ərdoğan açıqlayıb.
Prezident 18 sivil vətəndaşın ölümünə də diqqət çəkib:
“Sərhəd rayonlarımıza edilən hücumda 18 vətəndaşımız öldü, 147 nəfər yaralandı. 18 vətəndaşımızın içində 9 aylıq suriyalı Məhəmməd də var. Atası ilə danışdım. O qədər səbrli idi ki…”.
Gununsesi.org
