Cənubi Afrikada Kryuger Milli Parkının ərazisində avtomobil qəzası zamanı isveçrəli turist ağır xəsarətlər alıb.
“Daily Mail” xəbər verir ki, 13 turisti daşıyan mikroavtobus zürafəni vurub.
Zərbənin gücündən heyvan qarşıdan gələn maşının üstünə yıxılıb və onun damını əzib. Nəticədə, avtomobil əzilib, İsveçrədən olan ər-arvad zədələniblər.
Kişinin zədələri ağır olduğundan, onu helikopterlə Yohanesburqa aparıblar. İsveçrəlinin arvadı və mikroavtobusda hərəkət edən daha iki turist yüngül xəsarətlər alıblar. Zürafə hadisə yerində keçinib.
Hadisənin başvermə səbəbləri araşdırılır. / Oxu.az
