Roçester Universitetinin elm adamları suda batmayan metal yaradıblar.
Gununsesi.org rochester.edu-ya istinadən xəbər verir ki, yeni konstruksiya metalın zədələnməsindən və nə qədər dərinliyə getməsindən asılı olmayaraq, suyun üzünə çıxır.
Belə ki, femtosaniyə lazeri vasitəsilə, hava çəkən mikro və nanohissəciklər zərgər dəqiqliyilə metalın üzərinə çəkilir.
Bununla da, həmin metal suçəkməz olur. Suya girdikdə quruluşun ətrafında hava köpükləri yaranır və onu yuxarıya itələyir.
Elm adamları bu ideyanı hörümçək və qarışqalardan ilhamlanaraq həyata keçiriblər: gümüşü su hörümçəkləri və Solenopsis qarışqaları bədənlərinin hava “qabığında” uzun müddət su altında qala bilirlər. / Big.az
