Apple” şirkətinin baş direktoru Tim Kuk Azərbaycanın paytaxtı Bakıda çəkilmiş bir fotonu “Twitter” səhifəsində paylaşaraq diqqət çəkən status yazıb.
19 avqust – Dünya Fotoqrafiya Günü münasibətilə fotoqrafları təbrik edən T.Kuk dünyada “Apple” istifadəçiləri tərəfindən “iPhone”la çəkilən bir sıra möhtəşəm fotoları hesabında yayımlayaraq, həmin şəkillərdən ilham aldığını bildirib.
“Twitter”də paylaşılan şəkillər arasında Dənizkənarı Milli Parkda yerləşən nəhəng “Şeytan çarxı” adlanan attraksionun möhtəşəm görüntüsü yer alıb.
Fotonun müəllifi isə Sankt-Peterburq sakini Mixail Zatulivetrovdur. T.Kuk fotoya “Bakı bulvarındakı həyəcanlı məqam” şəhrini yazıb.
M.Zatulivetrovun “Instagram” hesabına diqqətlə nəzər yetirəndə, onun əslən Bakıdan olduğunu bilmək olar. Çünki paytaxtımızda lentə aldığı fotoları paylaşan Mixail “Doğma yerlər” şərhini yazıb.
