Arif Qasımov sakinlərlə növbəti səyyar qəbul-görüş keçirdi

Arif Qasımov sakinlərlə növbəti səyyar qəbul-görüş keçirdi

İyulun 23-də tarixində Nizami Rayon İcra Hakimiyyətinin başçısı Arif Qasımov tərəfindən 32 №-li tam orta məktəbdə Q.Qarayev prospekti 22, 24, 26, 28 və İ.Müzəffəroğlu küçəsi 5, 7 ünvanlarda yaşayan sakinlərlə növbəti səyyar qəbul-görüş keçirilib. 

Gununsesi.org xəbər verir ki, səyyar qəbulda Rayon İcra Hakimiyyəti başçısı aparatının məsul işçiləri, 1 №-li sahə inzibati ərazi dairəsi üzrə nümayəndəliyin əməkdaşları, rayonun xidmət sahələrinin rəhbərləri və sakinlər iştirak ediblər.

Qəbulda vətəndaşlar məhəllənin abadlaşdırılması, uşaq-əyləncə qurğularının quraşdırılması, ağacların budanması, binaların pilləkən qəfəsələrində pəncərələrin şüşələnməsi, zirzəmilərdən suyun çəkilməsi və digər sosial problemlərlə bağlı Rayon İcra Hakimiyyətinin başçısı Arif Qasımova müraciət ediblər.

Səyyar qəbulda sakinlər tərəfindən qaldırılan məsələlər rayon rəhbəri tərəfindən dinlənilərək sakinlərə müvafiq izahatlar verilib, mövcud problemlərin həlli üçün əlaqədar qurum və təşkilat rəhbərlərinə yerindəcə tapşırıqlar verilib və onların həlli nəzarətə götürülüb.



Gununsesi.org

COMMENTS