Arvadını amansızlıqla qətlə yetirən Taxveliyə cəza istəniləcək

Arvadını amansızlıqla qətlə yetirən Taxveliyə cəza istəniləcək

Arvadını yaşadıqları mənzilin balkonundan ataraq xüsusi amansızlıqla öldürməkdə təqsirləndirilən “Buta Palace”ın art direktoru Ramiz Taxvelinin məhkəməsi keçirilib.

Gununsesi.org-un verdiyi xəbərə görə, Bakı Ağır Cinayətlər Məhkəməsində hakim Rasim Sadıxovun sədrliyi ilə baş tutan prosesdə sənədlərin tədqii mərhələsi Baş tutub.

Məhkəmədə elan olunan ekspertiza rəyinə görə, R.Taxveli hadisəni törədən zaman anlaqlı olub. Cinayət işi materiallarında olan videogörüntülər də izlənilib.

Sənədlərdən məlum olub ki, R.Taxveli arvadını balkondan atdıqdan sonra uşaqları ilə çarpayıda yatıb, polis evə gələndə o yuxulu vəziyyətdə olub.

Hakim məhkəmə istintaqının yekunlaşmasına qərar verib. Dövlət ittihamçısı çıxış üçün vaxt istəyib. Növbəti iclasda R.Taxveliyə cəza istəniləcək. Proses sentyabrın 27-də davam edəcək.

Hadisə 2018-ci il dekabrın 10-da gecə saat 3 radələrində paytaxtın Nəsimi rayonu, Rəşid Behbudov küçəsində yerləşən hündürmərtəbəli binada baş verib. Orada yaşayan Taxveli Adelya Azər qızı 5-ci mərtəbədə balkondan düşərək vəfat edib. İlkin olaraq A.Taxvelinin intihar etdiyi zənn edilsə də, sonradan hadisənin cinayət olduğu ortaya çıxıb. Məlum olub ki, A.Taxvelinin mübahisə zəminində əri Ramiz Taxveli balkondan aşağı atıb.

Mərhum Adelya Taxveli Gənclər və İdman naziri Azad Rəhimovun yaxın qohumu olub. 30 yaşında vəfat edən Adelyanın anası nazirin xalası qızıdır. Ramiz Taxveli isə Azərbaycanın xalq artisti Gülağa Məmmədovun yeganə qızının nəvəsidir.

Gununsesi.org

COMMENTS