Dilarə Kazımovanın eyni libasdan bir neçə dəfə istifadə etməsi müzakirə mövzusuna çevrilib

Dilarə Kazımovanın eyni libasdan bir neçə dəfə istifadə etməsi müzakirə mövzusuna çevrilib

Müğənni Dilarə Kazımova son günlər eyni libasdan bir neçə böyük konsert proqramlarında istifadə etməsi ilə müzakirə mövzusuna çevrilib.  Gununsesi.org “Qafqazinfo”-ya istinadən xəbər verir ki, sənətçinin birinci dəfə 2018-ci ilin noyabrında “Azərbaycan” adlı klipindəki qırmızı yarıqlı paltarına dəfələrlə geyinməsi tənqid olunub.  

Hətta o, şənbə günü “Jara” festivalından əvvəl təşkil olunan “pre-party”də həmin libasda görüntülənib.  Bundan bir həftə əvvəl isə Bakı Konqress Mərkəzində məzunlar üçün təşkil olunan gecədə də o geyimdə şou göstərib.

D. Kazımova toy, klub və qatıldığı açılışlarda da dəfələrlə bu paltarda qatılıb. Dilarə müzakirə olunan geyimi barədə açıqlama verib.

O, “Qafqazinfo”ya danışarkən tənqidlərdən xəbərdar olduğunu vurğulayıb:

“Bir paltarım yoxdur. Evdə geyimlərimi qoyacaq yerim yoxdur. “Azərbaycan” layihəsində bu obrazdan istifadə etmişdik. Şou, obraz kimi üzərimdə daşıyıram. Amma o qədər deyirlər ki, qırmızı libasını dəyiş! Dəyişdirəcəm, amma yenə rəng qırmızı olacaq. Özüm hiss edirəm ki, yenilik lazımdır”.




COMMENTS