Dövlət Yanğından Mühafizə Xidmətinin rəisi: “Yanğın təxminən 300 kv. metr sahəni əhatə edib”

  • By admin
  • 14 Dekabr 2019 19:53

“Hadisə yerinə 17 yanğın texnikası, 75 yanğınsöndürən cəlb edilib. Yanğında xəsarət alan yoxdur. Hadisə yerində iki “QAZel” markalı avtomobil qismən yanıb”.

Gununsesi.org-un xəbərinə görə, bunu Dövlət Yanğından Mühafizə Xidmətinin (DYMX) rəisi general Füzuli Əsədov bildirib. Onun sözlərinə görə, yanğın təxminən 300 kv. metr sahəni əhatə edib: “Yanğınla bağlı məlumat Böhran Xidmətinə saat 17:29-da daxil olub. Hadisə yerinə yanğınsöndürənlər təxminən 4 dəqiqəyə  çatıb. Bakının başqa rayonlarından əlavə qüvvələr gətirilib. Təxminən yarım saat ərzində yanğın məhdudlaşdırılıb”.

Gununsesi.org