Azərbaycanın işğal latındakı ən böyük rayonu olan Kəlbəcər içməli su ehtiyatı ilə hətta Sovet İttifaqında məşhur idi.
Modern.az xəbər verir ki, Ermənistan “Karvaçar” adını verdiyi rayon ərazisində digər sferalarla paralel olaraq, içməli su ehtiyatalarını da talamaqda davam edir.
Kiçik Qafqaz dağlarının əhatəsində olan Kəlbəcər bir çox çayların, o cümlədən Tərtər çayının da mənbəyini götürdüyü önəmli su mənbələrinin mərkəzində yerləşdiyi üçün rayon ərazisindəki su ehtiyatlarından ermənilər aktiv şəkildə faydalanırlar.
Ermənistanda fəaliyyət göstərən “Avroterm” ASC “Noyan” markası adı altında meyvə şirələri istehsal edir. Şirkətin rəsmi saytında həmin şirələrin Kəlbəcər rayonundakı su mənbələrindən istifadə olunmaqla hazırladığı barədə məlumat yer alıb.
Mərkəzi Yerevanda olan şirkət öz məhsullarını yalnız Ermənistanda deyil, həm də Gürcüstan və Rusiyada da satır.
