Sosial şəbəkədə piton ilanı ilə yatan qızın fotoları yayılıb.
Gununsesi.info “publika.az”a istinadən bildirir ki, bu qadın öz ilanını çox sevir və onu hər yerə özü ilə aparırdı. İlandan qorxmayan qadın hətta ona öz çarpayısında yatmasına icazə verib. Lakin bir müddət sonra ilan yeməkdən tamamilə imtina edib və arıqlamağa başlayıb. Bundan narahat olan qadın ilanın xəstələndiyini zənn edib və baytara müraciət edib.
Xoşbəxtlikdən baytar təcrübəli olub və qadının ilanı çarpayıda özü ilə birlikdə yatızdırdığını biləndə gözlənilməz rəy bildirib. Baytar bildirib ki, ilan sahibini udmağa hazırlaşır. İnsan bədəni böyük olduğu üçün onu rahatlıqla uda bilmək üçün ilan mədəsini boşaltmaq istəyib. Aclıq elan etməsinin də ciddi səbəbi bu olub.
Adının anonim qalmasını istəyən qadın həkimin rəyini eşidəndə şoka düşüb.
Gununsesi.info
