İTV ətrafında həbslər gözlənilir - kanalda ciddi korrupsiya faktları aşkarlanıb

  • By admin
  • 24 May 2018 09:22

İTV ətrafında baş verən son olaylar bu kanalla bağlı ictimai müzakirələrə səbəb olub. Belə ki, telekanalın hakimiyyət daxilindəki qruplaşmaların nəzarətindən çıxarılması İTV-nin gələcək taleyi ilə bağlı bir sıra suallar ortaya çıxarıb.

GUNUNSESİ.İNFO-nun xəbərinə görə, AzTv sədri Arif Alışanovun nəzarətindən çıxarılan bu kanalda ciddi maliyyə pozuntuları aşkarlanıb.

İTV-nin adının çəkilməsini istəməyən rəsmilərindən birinin saytımıza sızdırdığı bilgiyə görə, kanaldakı bəzi səlahiyyət sahiblərinin əməkdaşların adına yazılan qonararları mənimsəməsi ilə bağlı sensasion faktlar aşkarlanıb. Bəlli olub ki, bir neçə il davam edən bu prosesdə  onlarla əməkdaşın adına yazılan qonrarlar onların özünə çatmayıb və mənimsənilib.

Bundan başqa ən böyük cinayət isə İTV-yə məxsus Qubadakı “Ekran” istirahət mərkəzinin qanunsuz özəlləşdirilməsində baş verib. Belə ki, AzTV rəhbərliyi əməkdaşların istirahəti üçün nəzərdə tutulan bu mərkəzi özəlləşdirərək, biznes strukturuna çevirib.

Mənbəmizin bildirdiyinə görə, İTV-də baş direktor vəzifəsini icra edən Balaş Qasımov hazırda həmin mərkəzin qaytarılması və mənimsənilən qonrararların ödənilməsi üçün çalışır. O, bunlar baş verməyəcəyi təqdirdə prosesdə iştirak edən şəxslərin həbsi üçün Baş prokurorluğa müraciət ediləcəyini deyib.

GUNUNSESİ.İNFO