Kiyevdə naməlum motosikletçi maşına qumbara atıb.
Gununsesi.org “UNİAN”-a istinadən xəbər verir ki, hadisə zamanı 1 nəfər ölüb, 2 nəfər yaralanıb.
Hücuma məruz qalan qara “Mercedes” farmaseptik şirkətin direktoru İqor Saloya məxsusdur. Partlayış nəticəsində həlak olan onun sürücüsüdür. Direktor özü və daha bir sərnişin yaralanaraq xəstəxanaya yerləşdirilib.
Ukrayna paytaxtında motosikletçinin tutulması üzrə əməliyyat planı elan olunub. Hadisə yerində güc strukturlarının nümayəndələri və xilasedicilər işləyirlər.
