“Turan” İnformasiya Agentliyinin redaktoru Şahin Hacıyev Ermənistanda səfərdədir.
Gununsesi.org bildirir ki, bu barədə agentlik məlumat yayıb.
Xəbərdə deyilir ki, Şahin Hacıyev silsilə reportajlar və müsahibələr üçün Yerevana ezam olunub: “Səfərlə bağlı Azərbaycanın və Ermənistanın müvafiq orqanlarından razılıq alınıb. Ermənistan Xarici İşlər Nazirliyi Hacıyevə və onu müşayiət edən Gürcüstandan və Rusiyadan olan assisentlərinə jurnalist akkrediyasiyası verib”.
Səfər zamanı “Turan”ın redaktoru Ermənistanın siyasi partiya rəhbərləri və ekspertləri ilə görüşlər keçirib.
Görüşün mövzuları regiondakı situasiya və Qarabağ münaqişəsi olub.
