Bu gün Ankara ilə Tehran arasındakı bəzi problemləri aradan qaldırılmasını müzakirə etdik və iş birliyimiz bundan sonra da davam edəcək.
Gununsesi.info “milliyet”-ə istinadən xəbər verir ki, bunu Türkiyə xarici işlər naziri Mövlut Çavuşoğlu iranlı həmkarı Mühəmməd Cavad Zərifi ilə Anakarda keçirdiyi görüşdən sonra bəyan edib.
Onun sözlərinə görə, PKK, PEJAK, PYD arasında fərq görmürük. “Bu terror təşkilatlarını Türkiyə və İran üçün təhdid hesab edirik”-deyən M. Çavuşoğlu əlavə etdi ki, biz suriyada davamlı sülhün bərqərar olması istiqamətində işbirlyini gücləndirəcəyik.
FETÖ məsələsində Tehranın Ankaranın yanında olduğunu qeyd edən iranlı nazir bildirdi ki, bu gün bəzi problemlərin aradan qaldırılmasını müzakirə etdik və bu problemlərin aradan qaldırılması istiqamətində səylərimizi bundan sonra da davam etdirəcəyik. C.Zərifi bir daha elektrik, qaz məsələsində əməkdaşlığa hazır olduqlarını bəyan edib. “İstər İran qazının satışı, istər Türk iş adamlarının bu sahəyə sərmayə qoyuluşu və digər məsələlər gündəmdədir”-deyə o vurğulayıb.
M.C.Zərifi onu da bəyan edib ki, Türkiyənin təhlükəsizliyini öz təhlükəsizliyimiz kimi görürük: “O baxmdan da terrorizm və bölücülük məsələsində mövqeyimiz eynidir”.
Gununsesi.info
