Qabil Hüseynli müxalifətdən kürəkəninin dəfninə qatılmamasını istədi- SOSİAL ŞƏBƏKƏDƏ SƏRT TƏNQİDLƏ ÜZLƏŞDİ

Qabil Hüseynli müxalifətdən kürəkəninin dəfninə qatılmamasını istədi

 

“Müxtəlif siyasi partiya üzvlərindən və siyasi qruplardan sabah keçiriləcək vida mərasiminə qatılmamağı xahiş edirik”.

Gununsesi.org xəbər verir ki, bu sözləri Axar.az-a açıqlamasında pilot R.Atakişiyevin qayınatası, politoloq Qabil Hüseynli deyib. O, R.Atakişiyevlə vida mərasimindən müxtəlif siyasi məqsədlər üçün istifadə etmək arzusunda olan şəxslərə müraciət ünvanlayıb:

“Ailəmiz çox çətin, ağır və kövrək bir dönəmdən keçir. Ailəmizin, hətta xalqımızın sevimlisi, rəşadətli pilotumuz Rəşad Atakişiyevi itirmişik. Mərhumun dəfni ilə bağlı həyata keçirilən vida mərasiminə dövlət öz dəstəyini göstərir. Müəyyən siyasi partiyaların və qrupların tədbirə qatılmaq və mərasim vasitəsilə siyasi divident əldə etmək istəkləri barədə məlumatlar əldə etmişik. Həmin şəxslərdən artıq dərəcədə xahiş edirik ki, sabah keçiriləcək vida mərasiminə qatılmasınlar. Rica edirəm ki, bu ağrılı günümüzdə bizi başa düşsünlər”.

Gununsesi.org bildirir ki, bu açıqlamasına görə, Qabil Hüseynli sosial şəbəkələrdə sərt tənqidlərlə üzləşib. Onun hərəkətlərini qınayan şəbəkə üzvləri onu bölücülükdə ittiham edib.

Bildirilib ki, həlak olan əsgər xalqın övladıdır,onun üzərində siyasi xal qazanmaq mənvəiyyatdan uzaqdır.

Gununsesi.org

 

COMMENTS