Qızılın qiyməti 6 ilin - ƏN YÜKSƏK SƏVİYYƏSİNDƏ

Qızılın qiyməti 6 ilin

“Comex”də əməliyyat olunan qızıl fyuçersləri 1500 dolları aşaraq 2013-cü ildən bəri ən yüksək səviyyəni görüb.


ABŞ – Çin ticarət müharibəsində gərginliyin yüksəlməsinə dair narahatlıqlar, qlobal iqtisadi artımın yavaşlaması və bütün dünyada mərkəzi bankların pul siyasətlərini yumuşaltmaları (faizi aşağı salmaları) qızılın qiymətini dəstəkləyir.
FED.az xəbər verir ki, “Comex”də qızıl fyuçersləri 1.2% artımla 1502.30 dolları görüb. Bu il qızılın unsiyası 17% bahalaşıb. Qızılın qiyməti “exchange traded” fondlara (ETF) girişlərdən də dəstək alır.

Bahalaşan başqa bir qiymətli metal gümüşdür.
ABŞ Prezidenti Donald Tramp, Sentyabrdan etibarən 300 milyard dollarlıq Çin məhsullarına əlavə 10% vergi tətbiq edəcəklərini açıqladı. Bunun ardınca Çin, yuanın dəyər itirməsinə icazə verdi. Sonra  isə ABŞ Çini “məzənnə manipulyatoru” elan etdi.
“UBS Group AG”nin risk ssenarisinə görə ticarət gərginliyinin daha çox artması vəziyyətində qiymət 1600 dollara qədər qalxa bilər.
Qızılın bahalaşması ilə əlaqədar olaraq mədən şirkətlərinin səhmləri də bahalaşır.
Gümüş isə 2.2% bahalaşaraq 16.8082 dolları görüb.  Bu qiymət bir ildən uzun müddətin ən yüksək səviyyəsidir.

COMMENTS