Hər zaman şəxsi həyatını gizli saxlamağa üstünlük verən Rihanna “Vogue” jurnalının noyabr buraxılışı üçün müsahibə verib.
Gununsesi.org xəbər verir ki, müğənni milyarder Həssən Cəmil ilə münasibətlərindən danışıb.
Bildirilir ki, paparazzilər Rihannanı dəfələrlə Səudiyyə Ərəbistanından olan bir iş adamının şirkətində görüblər. Cəmilin ailəsi dünyanın ən varlı adamlarından hesab olunur.
Müğənni münasibətdə olduğunu təsdiqləyib, lakin sevgilisinin adını açıqlamaqdan imtina edib.
“Uzun müddətdir bir iş adamı ilə tanışıq. Münasibətimiz davam edir. İndi xoşbəxtəm və ana olmağı xəyal edirəm”, – deyə Rihanna qeyd edib.
Gununsesi.org
