Rusiya xarici işlər nazirliyi Birləşmiş Ştatların moskvaya yeni raun sanksiylar tətbiq etməsini “təəssüfedici” adlandırıb.
Gununsesi.org xatırladır ki, cümə axşamı qüvvəyə minən yeni sanksiyalar Rusiyanın sabiq casusu Britaniya ərasisisndə zəhərlədiyinə cavab olaraq tətbiq olunub.
Vaşinqton hələ ötən il QRU-nun sabiq polkovniki Sergey Skripal və onun qızının İngiltərənin Salisburi şəhərində zəhərlənməsindən sonra Rusiyaya qarşı ölçülər götürmüşdü.
Həmin hücumdan sonra Avropa ölkələri və ABŞ 100-dən çox rus diplomatını ölkələrindən qovmuşdular.
Prezident Donald Trampın imzaladığı yeni sanksiya ölçüsü Dünya Bankının kimyəvi və atom silahlarından istifadə etdiklərinə görə ABŞ sanksiyaları ilə üzləşdiyi ölkələrə borc pul verməsini dayandırır.
Cümə günü Trampın ölçüsündən sonra bir dolların dəyəri 65 rus rubluna bərabər olub.
Rusiya xarici işlər nazirliyi ABŞ-ın son addımını pisləyib.
“Fikrimcə, bu, ABŞ-ın daxili siyasəti ilə bağlıdır,” deyə xarici işlər nazirinin müavini Sergey Ryabkov bildirib.
Ryabkov Suriyadan tutmuş Ukrayna məsələlərinədək bir çox səbəblər üzündən ABŞ-Rusiya münasibətlərinin pisləşməsindən və bu münasibətlərin Amerikada siyasi futbola çevrilməsindən gileylənib.
Moskva indiki sanksiyaları qarşıdan gələn ABŞ prezident seçkiləri ilə əlaqələndirir və yeni məhdudiyyərlərə cavab vermək hüququnu özündə saxladığını bəyan edir.
Gununsesi.org
