Səfər Mehdiyev bu rayonun vətəndaşları ilə görüş keçirəcək

  • By admin
  • 23 İyul 2019 12:10

Dövlət Gömrük Komitəsinin sədri, gömrük xidməti general-leytenantı Səfər Mehdiyev iyulun 26-da saat 10:00-da Qobustan Olimpiya İdman Kompleksində (Heydər Əliyev pr.5) Qobustan və Şamaxı rayonlarından olan vətəndaşları qəbul edəcək.

Komitədən Gununsesi.org-a daxil olan məlumata görə, həmin gün saat 10:00-da Dövlət Gömrük Komitəsi sədrinin müavini, gömrük xidməti general-leytenantı Əsgər Abdullayev isə Siyəzən rayon Heydər Əliyev Mərkəzində (Siyəzən şəhəri, Heydər Əliyev küç. 50) Siyəzən rayonundan olan vətəndaşları qəbul edəcək.

 Qəbullar zamanı yalnız Qobustan, Şamaxı, Siyəzən rayonlarının sakinlərinin və bu bölgədə məskunlaşan məcburi köçkünlərin gömrük məsələləri ilə bağlı müraciətləri dinləniləcək.

Qəbullarda iştirak etmək istəyən vətəndaşlar “195” Çağrı Mərkəzi, Dövlət Gömrük Komitəsi (əlaqə telefonu: (012) 404-22-00), Sumqayıt Baş Gömrük İdarəsi (əlaqə telefonu: (018) 655-16-19) ilə əlaqə saxlayıb qəbula yazıla bilərlər.

Gununsesi.org