Avropa Şurası Şengen vizası ilə bağlı təklif edilən qanun dəyişikliyini təsdiqləyib.
Gununsesi.org xəbəri verir ki, Şura yeni qaydaların Şengen ölkələrinə tez-tez səyahət edənlər üçün prosedurları sürətləndirdiyini, buraya qanunsuz yollarla daxil olmaq imkanlarını isə azaltdığını bəyan edib.
Yeni qaydalara əsasən, qısa müddətli Şengen vizasının ( 3 aydan az) qiyməti 60 avrodan 80 avroya qaldırılıb.
Digər dəyişikliklər:
- Şengen vizası üçün ən tez səyahətdən 6 ay öncə, ən gec isə səyahətə 15 gün qalmış müraciət etmək mümkündür.
- Müraciət üçün ərizə formasını onlayn formada doldurub, imzalamaq mümkün olacaq.
- Viza tarixçəsində heç bir problem olmayan şəxslərin viza müddəti mərhələli olaraq 1 ildən 5 ilə qədər artırıla bilər.
Qanun layihəsi Avropa Birliyinin rəsmi qəzetində nəşr olunduqdan sonra 6 ay müddətində qüvvəyə minəcək.
