Mərdəkan qəsəbəsində quldurluq baş verib.
Gununsesi.org xəbər verir ki, hadisə yanvarın 7-də saat 16 radələrində qeydə alınıb.
Qəsəbə ərazisində yerləşən zoomarketə gəlmiş 2 nəfər oranın sahibi H.Babayevə bıçaqla çoxsaylı xəsarətlər yetirib. Onlar H.Babayevin cibindən 14.000 manatı götürüb hadisə yerini tərk ediblər.
H.Babayev xəstəxanaya yerləşdirilib.
Keçirilmiş əməliyyat-axtarış tədbirləri nəticəsində quldurluğu törətməkdə şübhəli bilinən qəsəbə sakinləri E.Əliyev və Ə.Əliyev polis əməkdaşları tərəfindən saxlanılıblar. Araşdırma aparılır.
